البنت المسلمه فى قفاص الاتهام وبعض الردود

انا كلامى هنا هايكون اللى اى بنت مسلمه المفروض تكونه مش هاقول الملتزمه لان فى الاسلام مافيش حاجه اسمها ملتزمه ولا مش ملتزمه المفروض كلنافى خانه الديانه فى البطاقه اننا مسلمين فالمرفوض يعنى نكون بنمثل الصفه دى بكل معانيها المهم انا حبيت اتكلم فى موضوع يمكن بيمر على كل بنت عايزة تكون مسلمه اسما وصفه اللى بتحاول ترضى رباها وبس على قد ما تقدر



البنت المسلمه متهمه انها جافه المشاعر انها بلا قلب يشوفوا بنت منتقبه او لابسه الاسدال او العبايه وبتتعلم دينها يبقى خلاص انعدمت الاحساس وهاتكلمنا بالنحوى ايه اللى يربط بين ان البنت المسلمه تحاول ترضى ربها وانها مازالت بداخلها مشاعر جميله


البنت طبيعتها وربنا خلقها انها طبيعى تحب انها تتزين وتكون حلوة عارفين يعنى ايه تتنازل عن كل ده بارادتها يعنى ايه تسيب احدث موضه احدث صيحه فى الالوان وتكتفى بارتداء الاسود او التى يعينها ربها وترتدى النقاب الامر مش سهل زى ما انتم فاكرين بالعكس خالص شوف اصعب شئ ممكن تقدر تستغنى عنه ممكن تستغنى عن الهوا عن الميه زى صعب ان اى حد يستغنى عن الميه والهوا برضه البنت من اصعب الامور عليها انها تستغنى عن زينتها وعن اناقتها متعتها وسعادتها شعورها انها تكون مصدر اعجاب ونظرات الجميع لما تستغنى عن كل دة بفضل الله عليها ثم بارادتها من غير اى ضغط عليها مش تستحق التشجع ولا كل اللى بتشوفه الاحباط وبس وكلمات بدل ما تشجعها على قوة ارادتها انها استغنت عن كل دة عن رائحه البرفان الباريسيه الى تسعدها عن ارتدئها احدث صيحات الموضه ان تترك لشعرها الحريه الا هو المفروض تاج البنت الذى يزيدها جمال وتسعى لارضاء ربها بدل ما نحيها على دة لا نحبطها ونشككها فى انوثتها ومشاعرها انها متحجره انها متبهدله وعامله ليه كدة فى نفسها واحد يقول ممكن اوافق على الحجاب بس اللبس العادى اللى على الموضه ماله دة بس انا عايزة اكون احسن والتزم بالحجاب الشرعى مش عايزة اكون ملفته واحد تانى يقول ممكن لو طلبت منك تقلعى الحجاب بعد الزواج ينفع يعنى ايه ينفع ليه مش تخلينى احسن بدل ما ترجعنى ميه خطوة لورا واحد تانى يشترط ممنوع النقاب نهائى


باستغرب جدا هو البنت لما تلتزم بالحجاب الشرعى بمواصفاته اللى الرسول صلى الله عليه وسلم قال عليها تبقى كدة فقدت اناقتها بالعكس بتكون مشتاقه انها تظهر انا قتها بس لمين لشخص واحد بس مش لكل الدنيا يستمتع بيها ومش معنى انها محتفظه بمشاعرها ولا تعطيها الا لمن قدره الله لها فى اللوح المحفوظ يبقى كدة هى جافه المشاعر وانها مش بتشعر ومش بتحس هو لما تشرب من بير ميه لسه انت اول واحد تقرب منه لسه لم يعكرة بشر لسه لم يكتشفه بشر ولا لما تشرب من بير اتمدت ليه الاف الايادى واتعكر من كتر الاستعمال ايه الاحسن يالنسبه لك هو اى واحد بيكون لسه بيتعرف على بنت للارتباط المفروض كدة تعبر عن مشاعرها وتقول كلام حب لشخص لا يحق له دة تبقى كدة هى مش رومانسيه ومش لها قلب بجد مش عارفه هو فعلا زى ما بيقولوا الرجاله ماتت فى الحرب ولا انا اللى حظى سئ وبقابل نماذج غريبه


ولا انا فى زمن انا مش مناسبه ليه تذكرت سيدنا يوسف والضغوط عليه من النساء فدعا ربه انه ينقذه منهم وهو من هو
قال (الا تصرف عنى كيدهن اصب اليهن واكن من الجاهلين ) بجد مش عارفه هى بقت البنت اللى بتتقى ربها فى الزمن دة متهمه
انها جماد لا يشعر انها معقده انها نسيت كونها انثى تريد دائما ان تكون جميله ولكنها فى جهاد مع نفسها بدل ما تشجعوها ليه يتحبطوها هو الحياء بقى تهمه فى الزمن دة
انا بجد بقيت باعذر البنات اللى بتتزين زيادة عن اللزوم لانها عارفه ان دة اللى بقى بيرضى معظم الرجاله
مش عارفه ااقول عليهم رجاله ولا ايه
؟؟؟؟؟؟؟؟؟
Posted by رفقة عمر at 1/01/2008 06:11:00 PM
52 comments:
عصفور المدينة said...
اثبتي فلست وحدك

Tue Jan 01, 10:50:00 PM
mohand said...
السلام عليكم

يعني انتي قولتي هتوجهي كلامك للبنات
وفي الاخر توجهي كلامك اننا احنا اللي عايزين كده

انا شخصيا مش عايز كده

انا هخادها اقله محجبة
منتقبة يبقي يا ريت

Tue Jan 01, 10:53:00 PM
امام الجيل said...
صدقتى اخيتى
ولكن حسبك ان هناك من لا يبحث الا عن مثيلاتك
هنا من لا تغره المظاهر البراقة
يبحث عن المعدن النفيس
لا تغره الزينة الزائفة ويبحث عن الزينة الحقيقية
انه لجدير ان تكون بنت الاسلام انقى اطهر وارقى مشاعرا
لانها لم تنثره هنا وهناك
وكما قال رسولنا الكريم
من ترك شيئا لله عوضه الله خيرا منه
سيكون التعويض فى الدنيا اخيتى قبل الاخرة
فلا تعبأى بنظرات وهمهمات من حولك
الا يرضيكى الفوز دنيا واخرة
اى سعادة بعد ذلك
هنيئا لك

Tue Jan 01, 11:27:00 PM
رفقة عمر said...
باشمهندس عصفور المدينه

ربنا يثبتنا جميعا اللهم امين
بس بجد انا باشوف حاجات غريبه واكيد دة اختبار من الله ارجو الله ان يعنيا عليه
جزاك الله خيرا



******************

استاذ مهند

البوست دة vote
علشان اعرف ان فيه ناس زى حضرتك لسه فيهم خير
ربنا يكرم حضرتك يارب
بس والله انا لغايه دلوقتى دى النماذج اللى قابلتها فعلا
لغايه ما خلاص بقت دى الصورة اللى بقت فى خيالى للرجاله
وخصوصا انا مش باشتغل فامش عرفه كلهم كدة ولا انا حظى اللى بيخلينى ااقابل ناس كدة بس على فكرة اللى قلت عليهم كتير فعلا
ربنا يكرم حضرتك ويباركلك اللهم امين

Tue Jan 01, 11:29:00 PM
BinO said...
بسم الله الرحمن الرحيم
السلام عليكم ورحمة الله وبركاته
أختنا في الله رفقة
كيف حالك أتمني ان تكوني بخير

موضوعوك أسعدني جداً جداً
أعتقد انك عبرتي جسور كتيرة
ربنا يكرمك ويثبتك أختي في الله

رفقة مش حتكلم عن القضاء والقدر
ونصيب الأنسان في الدنيا
وغيره من الكلام اللي انت أكيد عارفاه

أنا حتكلم عن واقع حقيقي وملموس

واقع الرجال
الرجال بجد

لو فيه واحد راجل عايز يتزوج في هذا العصر يبحث عن أمرأة متدينة
متحجبة علي الأقل
رغم أن نسبة اللي بيبحثوا عن منتقبة أو عندها أستعداد للنقاب كبييييرة
وده واقع ملموس من خلال الناس اللي حواليا
أصدقائي أقاربي المعارف

يكفي أني أقولك ان نسبة العنوسة في المنتقبات أقل بكتير من نسبتها في غيرهن

الموضوع كله البنت عايزه أيه
سواء منتقبة أو محجبة أو مش لابسة حجاب

أما النصيب فهو مكتوب
لا يرتبط بمين عايز أيه

لو قابلتي أحد ممن تفكيرهم بهذا الأسلوب
فهم أنصاف رجال
لا تكترثي
او تهتمي
وربنا حيكرمك

==============================
شكراً علي سؤالك الدائم
وهانت أن شاء الله
وحكون زبون دائم علي البلوجر


Tue Jan 01, 11:37:00 PM
No Fear said...
السلام عليكم
مش عارف أقولك أية بس هي دي الحقيقة للأسف اللي بنعشها
بس الكلام اللي أنت قلتيه لازم يقويكي أكتر
و و أذكرك بحديث سيدنا محمد يأتي علي الناس زمان فيه القابض علي دينه كالقابض علي الجمر
صدق رسول الله
اتمني متكونيش زعلانة بسبب أي شئ و ربنا يوفقك و يثبتك و يبعد عنك شياطين الأنس يارب

Wed Jan 02, 12:16:00 AM
ŞoŖśậŖấầ said...
السلاااا م عليكممم

ما شاء الله ربنا يبارك فيكى ويجزيكى كل خير على موضوعك الرائع

الدنيا دى اتشقلب حالها والناس عارفه كويسة اوى الصح مالغلط مابقاش فيه حد جاهل

والمشكلة اننا بنستورد كل حاجة حتى للاسف التقاليد والعادات اللى المفروض الاولى نشوف عادتنا واللى اتربينا عليه بدل ماندور فمكان تانى

ربنا يصلح الحال ياااارب ويثبتنا على دينه ويهدى الغافلين

وانتى ياعسولى يارب يكون عام سعيد عليكى ويرزقك بالزوج الصالح اللى يرفعك معاه لاعلى درجات الجنة..اامييين


__??_??
_??___??
_??___??_________????
_??___??_______??___???? H
_??__??_______?___??___??
__??__?______?__??__???__?? A
___??__?____?__??_____??__?_____
____??_??__??_??________??
____??___??__??
___?___________? P
__?_____________?
_?____?_____?____? P
_?____/___@__\\___?
_?____\\__/?\\__/___? Y
___?_____W_____?
_____??_____??
_______????? NEW
YEAR 2008

Wed Jan 02, 12:23:00 AM
DR.HAMAS said...
اختنا الكريمة

مين قال ان البنت المسلمة فى قفص الاتهام ؟؟

إذا كان اللى بيقولوا كدة من عقلاء الناس .. حينها نعمل ألف حساب و نفكر مليا

و إن كان من يطلق هذا عليها .. دعاة العلمانية و التحرر و العرى و المجون

فلنضرب بكلامهم عرض الحائط

أيتها الأخت المسلمة الملتزمة العفيفة

كل عاقل يعرف الغث من الثمين

و يعرف البنت المتمكيجة و حاطة فوشيا و بمبة
من تلك التى تصون نفسها لمن يستحقها

و تعرفى ذلك عندما تجدى الشاب يفكر جديا فى الزواج

بالله عليك .. كم من الشباب عندما يختار زوجة .. يختار تلك صاحبة الشعر المنساب .. و المكياج الفاضح ؟؟

بالله عليك .. كم من الشباب الصايع -و أعتذر عن الكلمة- حينما ينوى الزواج .. فإنه يترك كل من عرفهن
و يكون طلبه .. أريد الملتزمة ذات الأهل الطيبين المتدينين ؟؟

أنا شاب و فى هذا الواقع و أعلم جيدا

لذا

فلا أجد قيمة لفكرة أن المسلمة الملتزمة فى قفص الاتهام

لا أرى أن هذا واقعا

و إن كان قلة من المتفلحسين أصحاب الشهوات ينادون بذلك

إلا أن آراءهم هذا .. محطها الأخير.. سلة تجدينها إما على باب الشارع
أو فى المطبخ
و أحيانا فى المكتب النضيف يعنى

طبعا متلاقيهاش فى مصالح حكومية
دى ممنوعة هناك .. لأنها مظهر غير حضارى



أشكرك على إثارة نقطة فعلا مهمة جدا
و لا يتكلم فيها الكثيرون


جزاكم الله خيرا


د.حمـــــــاس

Wed Jan 02, 01:04:00 AM
طال الليل said...
من قال أن الفتاة الملتزمة بدينها سمتا وسلوكا المجاهدة لنفسها من قال أنها متهمة
هى والله عندى مظهر من مظاهر العزة ومصدر تفاؤل وبشير خير للأمة
أكثر الله من أخواتنا المنقبات والمحجبات
والله الذى لا إله إلا هو ما وقعت عينى على إحداهن إلاوأطرقت مستحيا من نفسى ومما يعلمه الله من تقصيرى وحمدت الله أن فى أمة محمد صلى الله عليه وسلم من تترسم خطى فاطمة وتتلمس طريقة خديجة ونسيبة وحفصة بعد ما كدن ينجرفن وما أريد لهنمن السير سير القطيع فى أثر ماجنات الشرق والغرب ممن أنزه قلمى ومدونتك عن ذكرأسمائهن

لله ما أبدع مظهرها الملائكى هذه الملتزمة بأمر ربها
ولله ما أجمل بهاء الحياء وما أزهر تاج الوقار والله لو أن لى أن أصف لقلت أنهن نعمة من الله وعظة من الإيمان تمشى بيننا

الله أكبر والعزة للإسلام
لا نامت أعين من إتهمكن يابنات الإسلام

Wed Jan 02, 02:50:00 AM
Mustafa Şenalp said...
very nice a blog

Wed Jan 02, 04:09:00 AM
IRAQ Sawt Alhaq said...
السلام عليكم ورحمة الله وبركاته رفقة
أن من ينتقد الانسانة لاسلامها والتزامها لا يستحق ان نقول انه من الرجال . فمن لا غيره عنده فهو والعياذ بالله ديوس .والله هذا زمن الفتن فصبرا والله المستعان
عمر

Wed Jan 02, 06:19:00 AM
Misrdream said...
لا طاعة لمخلوق فى معصية الخالق
موش مقتنع ان علشان الرجاله موش بيعجبهم اللا التبرج يبقي البنات تتبرج وتتزوق علشانهملان محدش بيشيل مكان حد يوم الحساب
تحياتي لتدوينتك الرائعة

Wed Jan 02, 07:44:00 AM
المهـ إلي الله ـاجر said...
يا أختي الفاضلة لا يعنيك كل ما يقال من ورائك او من امامك . فقط انظري للمنتقد .. إن كان فوق مستوي النقد قبلتي كلامه ونظرتي فيه بعين التروي .. اما لو كان دون مستوي النقد وهو الغالب فلا تعيري للكلام ادني اهتمام وامضي في طريقك فأنت علي الصواب وأنت علي الجادة .. لا يغرنك كثرة المخالفين فالكثرة لا تنبأ بان الحق في مسعاهم . الحق دائما غريب ومهاجم وأصحابه قليل ، وصدقيني كل اخ أو اخت يخالف الطريق الصحيح يتمني لو أنه سار عليه ونبذ ما يمشي فيه . ولكن سلطان الهوي واغواء الشيطان الذي يقوي عندما يجد نفس ضعيفة تفتح المجال له

اسأل الله لي ولك ولجميع المسلمين والمسلمات الثبات والبصيرة والسداد

Wed Jan 02, 08:59:00 AM
حامد said...
انا بجد بقيت باعذر البنات اللى بتتزين زيادة عن اللزوم لانها عارفه ان دة اللى بقى بيرضى معظم الرجاله
مش عارفه ااقول عليهم رجاله ولا ايه
؟؟؟؟؟؟؟؟؟
............................
مجرد ذكور لا يعلمون عن الرجوله غير اسمها.

Wed Jan 02, 10:42:00 AM
أحمد رفعت said...
الموضوع مش كده اوي

الموضوع ان اللبس الابيض بيبان فيه الوساخة بسهوله فاي تصرف غير لائق من واحده ملتزمة او واخد ملتزم بيبان على طول وبيكبر اوي اكتر من حجمة علشان الثوب الابيض ..

على العموم انت زي الفل وخليكي زي ما انت ..

كل عام وانت لله اقرب

Wed Jan 02, 12:13:00 PM
الطائر الحزين said...
ام حسب الناس ان يتركوا ان يقولوا امنا وهم لا يفتنون


بارك الله فيك وثبتك

تحياتى

Wed Jan 02, 12:56:00 PM
إنـســـانـة said...
بصراحة لا زى مافى رجالة مجرد اسم وهما ولا رجالة ولا حاجة .. فى كمان رجالة دمها حر وبتغير على نسائها بجد

يمكن من فترة صغيرة كنت فاكرة زيك كدة بس سبحان لله عرفت ان الدنيا لسة فيها خير ولسة فيها ناس عندها دم وبتتقى ربنا

مش عارفة الموضوع كان بالنسبالى مختلف شوية .. كنت دايما الاقى الرجال اللى عارفة ربنا مرتبطين بواحدة يا لابسة إسدال او نقاب او خمار .. كنت بضايق اوى واقول للنفسى طب والبنت اللى لبسها مطابق للشرع تماما ومحجبة وغير ملفتة للنظر بس مش لابسة لا اسدال ولا نقاب .. البنت اللى بالمواصفات دى وقلبها متعلق بالله وبالإسلام أوى ولو حد اتعامل معاها حيلاقيها على دين وعلى خلق .. البنت دى حيتقدم لها واحد ملتزم ازاى .. إذا كان معظم المتلزمين بياخدوا بالشكل ولو واحد مش لابسة اسدال او نقاب تبقى مش ملتزمة .. مع انك قولتى فى البوست ان مافيش حاجة اسمها ملتزمة ومش ملتزمة كلنا مسلمين

دى كانت حيرتى فى الأول وكنت دايما أدعى ربنا انه يرزقنى من فضله .. ولازلت بدعى

وربنا كريم وظنى فيه خير

ربنا ياااارب يكرمنا جميعا بمن يتقوا الله فى السر والعلن يارب آمين

)

Wed Jan 02, 02:50:00 PM
Boba said...
حلو اويي البلوج

Wed Jan 02, 03:05:00 PM
ma_3alina said...
يعني إذا كان البوست دا فوت للتصويت
فأنا بقول بعلو فوتي
إني مش عايز كده وإني مش من الرجالة اللي بتحب الزينة والبهرجة وبعتبر ده اهدار لجمال المرأة الطبيعي .. وخروجها متزينة عشان ينظر ليها كل الناس اهدار لكرامتها
احب المحجبات والمنتقبات واحترمهن والبنت المسلمة عندي مش في قفص اتهام .. دي فريدة متربعة على عرش الجمال والأخلاق ..
البوست دا عجبني وحهديه إن شاء الله لخطيبتي عشان بجد عايزها تقراه وتقرا التعليقات اللي عليه ..
سلمت يداك وبوركتي

Wed Jan 02, 03:13:00 PM
رفقة عمر said...
امام الجيل

اهلا بحضرتك
المشكله انا فيه ناس بتقول عليها انها معقدة ومقفوله ومتزمته مع انى تعاملت مع منتقبات فى منتهى الروعه ويحملون جمال الخلقه والخلق والدين
الحمد لله على كل حال وربنا يرزقنا الاخلاص اللهم امين يارب العالمين


***************


اخى بينو

اهلا بيك بجد مفتقدين حواراتك وافكارك اللى بتضيف لينا كتير
اتمنى انى يكون رجوعك سريعا ياريت من بكرة لو امكن
عارف بجد ساعات باحس انى فى اختبار لانى فعلا دى النماذج اللى بتقابلنى واللى بيتقدموا ليا المشكله هما عايزين ملنزمه وكل حاجه بس بقى عايزين يمشوها على مزاجهم وتلبس على مزاجهم يعنى هو عايز يضمن انها ملتزمه وكدة وبعد كدة يملى عليها شروطه
فعلا لغايه دلوقتى لما يصادفنى شخص من اللى قلت عليهم اعلم ان منهم كثيرين ولكنى لم يحالفنى الحظ بعد بان التقى باحد مثلهم
سعيدة جداااااااا بوجودك
ربنا يكرمك يارب ويسعدك دنيا ودين اللهم امين


******************

no fear

ازيك ييارب تكون بخير
الحمد لله على كل حال وربنا يثبتنا اللهم امين
الدنيا سجن المؤمن كما قال الرسول صلى الله عليه وسلم
واحنا فى زمن الغربه فطوبى للغرباء


********************


صورصارة

كل سنه وانت طيبه ياجميله انا مش هاقول صرصارة انا مسمياكى فراشه
عندك حق طبعا
سمعتى عن برنامج هزى يا نواعم ايه رايك يبقى فيه برنامج ذى دة فى بلاد المسلمين
مش مصيبه سودا برضه


*****************


د/ حماس


اهلا بحضرتك وحمدا لله على سلامتك

وجود ناس زى حضرتك ويكون دة رايهم بيدينى بصيص امل ان ممكن الدنيا تتغير وتبقى احسن
جزاك الله خيرا



****************


طال الليل

اهلا بحضرتك ربنا يكرمك يارب

كلام حضرتك الاكثر من رائع فعلا مش لاقيه كلام ارد عليه
قد ايه كلام حضرتك رفع من روحى المعنويه كتير جزاك الله كل خير


*****************


mustafa

thnx
you wellcome

**************


عمر

ازيك اخبارك ايه يارب تكون بخير ويحميك ويحفظك رب العزة اللهم امين يارب العالمين
زمن الفتنه واى فتنه ربنا يثبتنا اللهم امين
ويرحمنا من عنده



********************


misrdream


اهلا بحضرتك
علشان تعرفوا ان البنت المسلمه فى جهاد شديد
ربنا يثبتها يارب ويهدى جميع بنات المسلمين اللهم امين يارب العالمين

Wed Jan 02, 04:53:00 PM
رفقة عمر said...
المهاجر الى الله

اهلا بحضرتك
المشكله انهم مش عارفين ان المتعه لما الانسان يكون ضميره مستريح وانه قريب من ربنا وبيحاول يرضيه وانه فى سعادة كبيره
لا هما فاهمين اننا معقدين ومنفسنين
ربنا يهدينا ويهديهم اللهم امين ياب العالمين


*******************


استاذى حامد

اهلا بحضرتك مبسوطه كتير بوجود حضرتك
المشكله انهم مش عارفين ان من اهم سمات الرجوله الغيره
بس نعمل ايه العولمه اثرت عليهم ونستهم هما ايه ودورهم ايه
ربنا يهدينا يجميعا لما يحبه ويرضاه اللهم امين


**************



استاذ احمد رفعت

اهلا بحضرتك اول مرة تشاركنى برايك وفعلا سعيدة بوجود حضرتك
بس واضح ان حضرتك مش قرات الموضوع وقرات العنوان بس
انا ااقصد ان البنت المسلمه اللى بتراعى ربنا فى نفسها وفى لبسها متهمه بالجمود وانعدام المشاعر وانها لا تمت للانوثه بصله وانا باحاول ازيل هذه الفكرة عن فكر ناس كتير
انا صادفتهم فى حياتى
يارب تكون فكرتى وصلت لحضرتك واتمنى تقرا البوست تانى م فضلك

سعيدة بوجود حضرتك واتمنى زيارتك تتكرر


****************


استاذى الطائر الحزين


اهلا بحضرتك
جزانا الله وايكم
وربنا يكتر من امثالكم اللهم امين وامه الاسلام ترجع لمكانتها تانى بين الامم
اللهم امين يارب العالمين


**********************

انسانه

احنا اتناقشنا فى الامر على الماسنجرمش قادره اتكلم هنا كمان
ربنا يكرمك يارب
وييسر لك كل خير



*********************


boba

انتى اللى حلوة قوى وجميله قوى ربنا يبارك فيكى يارب اللهم امين يارب العالمين



*******************

ماعلينا


طبعا زى ما قلتلك انا بنتظر تعليقك
وانا عارفه رايك من زمان من وقت ما كتبت موضوع عن المنتقبه وكان موضوع اكثر من رائع واكيد شئ يسعدنى ان خطبتك تقرا ليا اكيد انسانه طيبه زيك
ابقى سلملى عليها كتير
وعلى العموم لو هى هاتقراه
انا باسلم عليكى كتير
ربنا يباركلكم يارب ويكملكم على خير اللهم امين يارب العالمين



*****************

Wed Jan 02, 05:24:00 PM
Anonymous said...
اختى الحبييبة رفقة
اى انسان مؤمن ومخلص فى ايمانة لا يعنية
اراء الاخرين مادام هو على طاعة ففى الحديث الشريف ان الاسلام بداء غريبا وسيعود غريبا فطوبى للغرباء
فيااختى الحبيبة انك على الحق واعلمى ان رضا الله هو منال كل انسان فيارب تكونى من الذين رضى الله عنهم
امين

اخيك عصام
ابو عبدالله

Wed Jan 02, 05:52:00 PM
MerMaid said...
الحقيقة اصبتي في استشعارك الهجوم علي الحجاب

انا مش عارفة ليه؟؟
مش عارفة ليه فاكرين ان البنت المحجبة دي مغصوبة علي الحجاب و مش سعيدة ؟؟
هو الحجاب ده مش أمر الهي؟؟
امر من الله تعالي ؟؟
و ربنا فرضه علينا ؟؟

امر من الله

الناس ابتعدت عن الدين يا رفقة
و خلاص بقوا شايفين الاوامر الالهية بصورة تانية غير صورتها الجميلة

لا حول ولا قوة الا بالله

انا من زمان نفسي اكتب حاجة عن الموضوع ده
عن هجوم بعض المفكرين و الكتاب عن الحجاب و المرأة المحجبة

الحقيقة الموضوع يؤرقني
و مضايقني جدا

Wed Jan 02, 06:33:00 PM
MerMaid said...
اتشرف بزيارتك لي في تدوينة الجمعة القادمة

علي مدونة حالة سعادة مؤقتة

)

و مدونة شوية كلام

)

منورة

Wed Jan 02, 06:37:00 PM
الصارم الحاسم said...
كان الامام العز بن عبدالسلام له كلمة جميلة جدا ...يجب تدريسها....تقال لمن يفكر بالطريقة التي ذكرتيها


يا قوم انتم في واد ونحن في واد والحمد لله الذي عافانا مما ابتلاكم به وفضلنا على كثير ممن خلق تفضيلا


المفروض الا تكون مشاعركن هي لماذا..بل تكون الفخر - دون كبر - ان الله اصطفاهن واخواتهن لمثل ما هن عليه


لذا فمن يفكر هكذا فلا يستحق التفكير فيه من الاساس...لانه لا يصلح لمن تتحدثين عنهن

بمعنى آخر,,,لايستحقهن


وده بجد مش تطييب خاطر.....لو ارتبطت احداكن به فستشعر بالفارق الكبير

Wed Jan 02, 09:34:00 PM
عاشقه الفردوس said...
رفقه عمر

صدقينى انتى مش لوحدك يمكن تفتكرى انك اصعب حاله ممكن حد يقابلها
بس انا بقولك صدقنى انا بشوف ضغوطات الله وحده الاعلم بيها

ومش من الشباب لانهم ولا يهمونى وماتتعبيش نفسك فى كلامهم
ياحبيبتى اهم حاجه انتى وربك

تعرفى انا بقالى اد ايه بواجه من جوا بيتى

مش هتصدقى وعلى الرغم من كده بحس بسعاده كل مااحس انى كنت ممكن افقد نقابى بس بفضل ربنا عليه ثم ايمانى

وتمسكى واصرارى بيه

بحس بعدها انى مبسطوه جدا
يااااااااااااااااااه بحس بثبات غريب

اللهم ثبتك وثبت كل واحده وكل بنات المسلمين اللهم امين

Thu Jan 03, 03:21:00 AM
فرنسا هانم said...
انتى ممكن تكونى قابلتى نوعيه لاتخشى الله
لكن صدقينى
زى ما فى بنات ملتزمات لوجه الله
فى رجاله ملتزمين ايضا
ولسه ماماتوش فى الحرب
لا
فى ناس حتى مش ملتزمه وبيعاكسوا البنات
لكن بيحترموا الملتزمات
وهو ده مقصدنا من الالتزام

Thu Jan 03, 04:47:00 AM
أخف دم said...
كل سنة وانتى طيبة ويارب السنة الجاية تبقى احسن بالنسبة لك ولكل المسلمين التزاما واخلاقا

Thu Jan 03, 07:20:00 AM
Mohamed A. Ghaffar said...
استعيذى بالله من الشيطان فهذا من نزغه

Thu Jan 03, 08:55:00 AM
Memo said...
اهنيك على البوست الجميل دة
و اعزريني اني بقالي فترة مش متبعاكي



اولا : انا بافصل الحجاب او النقاب عن الالتزام حيث ان الالتزام مش بالشكل دة بالتصرفات كمان
عشان كدا الحجاب حاجه فية مليون حاجه تانية لسه فاضلين عشان اقدر اقول البنت دي ملتزمة


ثانيا : يثبت الله الذين آمنوا بالقول الثابت في الحياة الدنيا وفي الآخرة ويضل الله الظالمين ويفعل الله ما يشاء


ثالثا : هوا مين اللي بيرزق بالزواج مش المولى عز وجل ؟؟؟اكيد جابلها دول عشان لما هايجبلها التقي الي يرجو وجه ربه تحس بقيمته


رابعا : المؤمن امره كله خير و عسى ان تكرهو شيئ و هو خير لكم ومين عارف ؟؟ يمكن عدم الزواج يكون خير للبنت لكن احنا منعرفش كمه علام الغيوب احنا مؤمنين بالقضاء والقدر

خامسا: ربنا يقوي ايمانك و يرزقك بالزوج الصالح و الزرية الصالحة ويباركلك فيما اعطاكي و يصرف عنك شر القضاء

امين

Thu Jan 03, 10:48:00 AM
Mask said...
الحقيقه مش كل الرجاله بيتبسطوا لما البنات تلبس وحش
فيه ناس بتستفز جدا من الموضوع دا
لانه فعلا حاجه مستفزه
مطلوب الاحترام في اللبس
سواء كان راجل او ست
ماله اللبس المحتشم
اللي فعلا ساتر الواحد ومفيش مانع يكون شيك
لكن الابتزال اللي بنشوفه فعلا حاجه مستفزه

Thu Jan 03, 12:12:00 PM
السلام عليكم
الموضوع بتاعك جه في وقته
انا محجبة من وانا عندي 12 سنه
باختياري
ومقتنعة ومؤمنه ومسلمه ان الواحده لازم تغطي نفسها ولا يبدين زينتهن الا ......

حتى لبسي كله ساده ومافيهوش حاجه مبهرجة او ملفته ومابامشيش عالموضة
يعني مش كل ماينزلوا حاجة اروح اشتريها
بادي كارينا وجيبة بكارانيش وبنطلون وسطه واقع
وكياج ومسكره وعقود وحلقان مش عارفين يحطوها في ودانهم اموا حطوها في الطرح
وحجاب سبانيش وربطة مش عارف ايه
لكني بالبس ملابس مريحه وعملية
وعارفه ان اللي لابسه الاسدال والنقاب عدت مرحلة كبيرة من جهاد النفس عشان توصل لكده
لان زي ماقلتي ان البنت او الست اغلى حاجة عندها زينتها وشعرها
لكنها بتتحجب عشان ربنا امرها بكده وعشان طامعانه في الجنه وخايفة من النار
لكن المشكلة لما حد يقوللي ان لبسي كده مش صح وان حجابي ده تايواني
واني كده متبرجة ولازم البس اسدا ل ولازم يكون اسود ويا سلام لو نقاب والا فكاني مش محجبة وده مش حجاب
مع ان ربنا اعلم بالنية

ربنا يرزقنا كلنا الهداية من عنده والقرب منه
ويرزقك الانسان الصالح اللي يقدرك ويصونك

Thu Jan 03, 01:28:00 PM
رفقة عمر said...
اخى العزيز عصام

طبعا انا كل اللى يهمنى رضا الله الحمد لله
بس حبيت ابين ان البنت المسلمه فى جهاد وقليل قوى اللى بيشوف دة بيتهموها بالجمود والتخلف
ربنا يهدينا جميعا لما يحبه ويرضاه اللهم امين يارب العالمين


***************



mermaid

اهلا بيكى واخبارك ايه وهاتسافرى امريكا ربنا يوفقك اللهم امين
عارفه المشكله ايه انهم معتقدين ان البنت اللى لابست الحجاب بمواصفاته من غير تبرج انها خلاص بعدت عن التمدن والحضارة ورجعت للعصور الحجريه حبيت ادافع عنها اواقول انا جهادها فى كل دةشئ مش سهل لانها تركت شئ اساسى مخلوقه بيه
غير بقى انها بتتهم فى مشاعرها وانها جامدة المشاعر ومش عندها احاسيس ورومانسيه
وهى مش كدة خالص
ربنا يوفقنا لما يحبه ويرضى ويثبتنا اللهم امين يارب العالمين


*****************

الصارم الحاسم


اهلا بحضرتك مفتقده تواجد حضرتك من زمان انا مقتنعه بكلام حضرتك طبعا وعارفه انه مش طبطبه ولاحاجه
لانى سعيدة ان ربنا من عليه من فضله والتزمت بحجابى وحيائى وانا ثابته على مبداى بس حبيت ابين نماذج قابلتها لعل ربنا يهديهم فى يوم من الايام


****************




اهلابيكى اللهم كما تعشقين الفردوس يارب تكونين ممن تعشقهم الفردوس وجعلكى الله من ساكينها اللهم امين

عارفه اللى بتقولى عليه وواجهته فى اول ارتدائى للحجاب بس حبيت اوجه كلامى لكل اللى بيهاجم البنت المحجبه الحجاب الشرعى فى انوثتها ومشاعرها وانها لازم تكون كما تلتزم بحجابها الخارجى تلتزم بحجابها الداخلى وتلتزم بعفتها وحيائها ولاتتنازل عنهما ابدا تحت اى ضغوط مهما كانت مغريه

سعدت بمرورك جدا


***************


لا أملك إلا ان ادعوا لكى وكل من سار على خطاكى إلا ان يعزه الله ويثبته

أدعوا لكى بالعزة والثبات ان شاء الله


هو لما تشرب من بير ميه لسه انت اول واحد تقرب منه لسه لم يعكرة بشر لسه لم يكتشفه بشر ولا لما تشرب من بير اتمدت ليه الاف الايادى واتعكر من كتر الاستعمال

مش عارف بس ده الفقرة دى دى تحمل كنووووووووووووووووووووووووووووووووز كتييييييييييييييييييييييييييييير
وغالية قوى

سيرى فى طريقك فانت الأصح والاغلى

وسعيد بانى وفى اول تعليق بمدونتك الغالية أعلق على هذا البوست النفيس جدا

تحياتى ودعائى

اي حاجة عشان تتحرك لازم تكون محطوطة بين مستويين مستوى عالى ومستوى اوطى منه وثبت بكل البراهين ان الامور دايما بتمشي من العالى للواطى وليس العكس
لازم يبقى في فرق جهد


بمعنى ....
زي ما انتى كدة غيوةر اوي على بنات جنسك هناك في الاتجاه المقابل واحدة عكسك تماما تدعو للتحرر واننا على اعتاب الالفية المش عارف كام

لو قلتلك انى مش لاقى فتاة بالمواصافات زي اللى انتى ببتتكلمى عنها دي غير واحدة او اتنين
والحمد لله ان فيه لسة بنات زي كدة وان شاء الله هيفضلوا موجودين ما هو الدنيا لازم تتحرك عمرها ما هتبقى مثالية وعمرها ما هتبقى فوضوية .. لان اللى متحكم فيها ربنا

زي ما ا نتى حاسة ا الرجالة ماتت في الرب .. في رجالة حاسة ان مبقاش في البنات خير
والعكس هناك رجالة حاسة ان فيه لسة بنات كويسيتن وفيه بنات حاسين ان لسة الراجل راجل وليه شهامة وقوامة

عارفة اؤكدلك ان البنت اللى فرحانة بنفسها دي والرجالة بتبص عليها ومتباعة الموضة وشعرها مش عراف ايه وكل ده اكيد من جوة مش راضية عن نفسها
الرسول صلى الله عليه وسلم قال : ( الاثم ما حاك في الصدر وكرعت ان يطلع عليه الناس ) هيا مش فرحانة بنفسها كدة بس بيشجعها اللى بيبص عليها

بس البنت دي لما ربنا يهديها هتتجه للحجاب وعمر البنت المحجبة عن اقتناع ما هتقلعه

مش قلتلك الامور بتمشي من العالى للواطي

اسف انى مردتش عليكي عندى
واسف انى مهنتكيش بالسنوية الاولى للمدونة
واسف انى مجاوبتش عن التاج

بس انتى ادرى باللى حاصل
سلام

للسف ان التصورات دي بقت تابوهات في عقولنا على طول الخط

مش بنحاول نفكر حتى في مدلولاتها بأي شكل

ايش دخل الموضه في موضوع التدين

الاتنين مش في بينهم تعارض خالص

لكن لما نعرف نوظفهم صح

يكون التفكير المظبوط

دمت بخير


ازيك ياجمل من دخل عالم التدوين منورة انتى والعجله بتاعتك ربنا يكبرها يارب وتبقى عربيه قريب
اكيد انا عارفه ان فيه رجاله وشباب محترمين بس قليلين لاسف
بدليل منظر البنات فى اشوارع لو دى ليها اب او اخ او زوج رجل فعلا ما تركها تسعى فى الارض فسادا بهذا الشكل
يعنى نتاج قله الرجوله هؤلاء البنات اللى بتشوفيهم
ربنا يهدينا ويهديهم اللهم امين يااااارب العالمين
نورتين جدا واسعدتنى زيارتك


****************


اهلا بحضرتك سعيدة بمشاركتى جدا جزاك الله كل خير
وربنا يستجب منك اللهم امين ولك بمثل


******************



انا الحمد لله سعيدة بجهادى وجهاد اخواتى انا بس حبيت ادافع عن البنت المسلمه خلقا وخلقا وهيئه لانها بجد مظلومه من ناس ككتير وبتتعرض لضغوط كتير
ربنا يرزقنا الثبات اللهم امين يارب العالمين
ربنا يكرم حضرتك يارب ويجازيك كل خير
وييسر لك كل خير اللهم امين

***************





ازيك منورة الدنيا كلها فينك وحشتينا ووحشنا نقاشك وجدالك
طبعا انا معاكى انا الالتزام مش خارجى بس
هو كمان مجاهدة نفس والتزام داخلى وانا قلت كدة فى البوست واتكلمت عن ااخلاق والحياء كمان
بس هو موضوع اثير اكتر من مرة ومن ناس كتير فحبيت اكتب فيه علشان ان البنت الملتزمه فى هئيتها واخلاقها مش نسيت انها لها مشاعر
وانا بابين ان البنت الملتزمه بالحجاب الشرعى قد ايه هى فى جهاد ومش حد حاسس بيها
ربنا يرزقنى ويرزقك ويرزق جميع بنات المسلمين بالازواج الصالحين اللهم امين يارب العالمين
الحمد لله بدايه السنه الجديدة باين عليها كدة فيها خير لانك ظهرت مع بدايتها
ودة بشيير خير
نورتينى بجد


*****************



اهلا بحضرتك
اسعدنى وجودك
الله تعالى قال (خذوا زينتكم عند كل مسجد ) يعنى ربنا يريد اننا نكون فى احسن هيئه يعنى الاسلام والالتزام مش ضد حسن المظهر ابدا
والناس معتقد انن الرقى فى لبس الديرتى والستومك وغيرها من الموضه الغريبه اللى مش ليها اى معنى غير الابتذال
ربنا يعافينا ويهدينا جميعا لما يحبه ويرضاه اللهم امين يارب العالمين



*********************



اهلا بيكى اسفه فعلا مقصره معاكى بس بجد انا باتوه ماشاء الله بين المدونات
لانهم كتير ربنا يبارك فيهم يارب
انا مش باتكلم ان العبايه او الاسدال فى العموم اكيد الحجاب المحتشم طبعا جميل انا لغايه وقت قريب كنت بالبس الحجاب اللى مش عبايه ولا اسدال
بس ااقصد انا العبايه والاسدال درجه قرب اكتر يعنى انتى مش مفروض عليكى تحفظى قران صح
بس بتحفظيه علشان تقرب اكتر وتنالى درجات اكتر
برضه لبس العبايه من غير بهرجه وكدة او اسدال درجه قرب شويه فاهمانى بس مش اكتر يعنى لايعيب المحجبه من غير اسدال شئ ربنا يثبتها ويثبتنا
بس فى اسلام وايمان واحسان
الاحسان انك تتقربى من ربنا بالنوافل
يعنى كل انسان بيحاول يقرب من ربنا قد مايقدر
ربنا يكرمك يارب ويثبتنا ويثبتك اللهم امين يارب العالمين

**********

اختى الفاضله
هنيئا لها من تمسكت بتعاليم الدين الحنيف ولم تبالى بمن يلومها على هذا لانها على حق بل هى التى تسخر من الاخرين لانهم اشتروا الحياة الدنيا بالاخره


الدنيا فيها يا اختي العزيزة الحلو والوحش وليس كل الرجال وحشين فهناك الرجال الملتزمين الذين يخافون الله ويتقوا الله في افعالهم وثقي ان الانسان لابد ان يبتلي ليظهر هل سيثبت علي الالتزام ام لا

انا مقدرتش ادخل من غير ما اجي اقولك كل سنة وانتي طيبة
انا اسف مقرتش لان والله مش عندي ولا وعندي القدرة اني اقري في الوقت ده واسف علي الفترة الطويلة الي فاتت واسف علي الفترة الي جيه انا بعتلك لينك الجروب بتاع الفيس بوك

اولا كل سنة و انتي طيبة علي مرور سنة علي المدونة الجميلة بتاعتك

شوفي موضوع هل الحجاب يفقدك الاناقة او لا دة امر مفروغ منة
قوليلي لية
سواء الحجاب بيفقد المراة اناقتها زي ما ناس متخيلة
دة امر الله و لازم يتنفذ و اللي ماشية بشعرها او محجبة و غير محتشمة تعرف انها مخالفة لفريضة واجبة

النقاب بقي دة موضوع قتل بحث انا عن نفسي لن تفرق معي ان تنتقب زوجتي او لا
فيكفي انها ملتزمة بلباس لا يصف ولا
يشف

اخيرا عم ما كان الالتزام بما امر الله يجعل المرأة تفقد رقتها و انوثتها من وجهة نظري العكس هو الصحيح
فكلما اقتربت من الله عرفت حقوق زوجها و كانت جنة لة في الدنيا

السلام عليكم ورحمة الله وبركاته


هذه اول زيارة لمدونتك وهذا اول بوست اقراءه بس بجد رائع انا كنت هتكلم فى الموضوع ده
بس بجد مكنتش هتكلم زيك انت فعلا رصدتى الموضوع من كل جوانبه
عاوزه اقولك حاجة
انا ارديت الحجاب من سن صغير من اولى اعدادى وكان كل من يعرفنى يعارض ارتدائى للحجاب بحجة لما اتزوج ابقى البسه ولكنى برغم من صغر سنى الا اننى ثبت على ايمانى واقتناعى ان الفريضه احق ان تقضى تحت اى ظرف

عاوزه اقول ان ربنا يثبت قلبك على الايمان وكمان عارفة ان المختمرة او المنتقبه او المحجبه عندما تجلسين معهم ويتحدون بما يرضى الله ورسوله تشعرى انك فى روضه من رياض الصالحين
عارفه كنت دائما اسمع من زملاء دراسه او جيران او اقارب
جميعهم اجمعو انه هم الشبابا عندما يتزوجون يقترنون من هؤلاء الذين يحفظون انفسم ويعفونها بارتداء ما يستر اجسامهم ويحسن اخلاقهم ويحفظ لهم عفتهم وكرامتهم

وكما قال النبى الهادى الامين صلوات الله وسلامة عليه
فاذفر بذات الدين تربت يداك

من تراعى الله فى شرعه وسنة نبيه فيما قال

ثبتك الله على الطريق القويم


دعني اقول لك انه لا ينبغي لك ان تعذري من تضع الماكياج...
لأنه وببساطة...
اي رجل...مهما بلغت به درجة الفسق او الانحلال..لما بيفكر يتزوج...بيدور على المحترمة المتدينة..-غالبا يعني-

وزي ما حضرتك قولتي...
الشيخ يعقوب قالها برضه في خطبة ليه عن الزواج وكان بيتكلم عن الرؤية الشرعية وكده...قال
(يا بني اللي انته شايفه من وجه خطيبتك ده...مش كل حاجة..لسه بعد الزواج...)
انما المتبرجة اللي في الشارع اللي حط ميك اب وكده...هو ده كل اللي عندها..مش هتقدر تزود عليه حاجة)..انا عدلت كلام الشيخ بيسر على قدر ما تذكرت...

ونسألأ الله الثبات للمسلمات العفيفات وان يرزقهن الازواج الصالحين وان يهدي المتبرجات منهن


اول مرة حضرتك تشرف مدوننتى وكم اسعدنى كلام حضرتك وحسسنى ان لسه فى خير فى الامه
الخير فى وفى امتى الى يوم القيامه
جزاك الله خيرا لمشاركتى وزيارتك لمدونتى وعلى تعليقك اللى يرفع من الهمه ويعليها ليس لى ولكن لكل بنت مسلمه تقراها
بوركت وسلمت من كل شر ورزقك الله بالزوجه الصالحه التى تكون لك خير من حور الجنه اللهم امين يارب العالمين


*************



لا داعى للاعتذاار انا مقدرة ظروفك ربنا ينجحك انت وكل من يهمه امرك وكل طلبه المسلمين اللهم امين يارب العالمين
بم ان حضرتك باشمهندس كبير مسقبلا ان شاء الله فانا وكلامك من منطلق دراستك فاعذرنى مش فهمت تقصد ايه
بس اكيد حاجه كويسه انا عارفه ات بتفكر ازاى
ربنا يبارك فيك يارب ويزيدك من فضله


*****************


اهلا بحضرتك
انا قصدى من البوست ان البنت اللى التزمت بالحجاب من غير تبرج ولا بنطلون وسط نازل ولا ضيق ولا طرحه بترتر ولا بادى وكدة دة مش شئ سهل عليها لان حضرتك زى ما انت شايف كل يوم بيوت اازياء بتنزل موضات جديدة والوا ن للبس وللمكياج وانا لا انكر اننا نعشق هذه الامور عندما نتخلى عنها لا تتخيل امر صعب زى لولا فضل الله علينا ومنته ما كنا قدرنا ععلى الاتزام بالاسدال او العبايه او حتى الحجاب اللى من غير تبرج
وطبعا ممكن البنت المسلمه تلبس ما يحلو لها من ملابس على الموضه لكن فى بيتها فقط ولزوجها مش للدنيا كلها
ارجو ان تكون فكرتى وصلت لحضرتك
سعدت بمرور حضرتك جدا


****************


اخبارك ايه يارب تكونى بخير وفى احسن حال وتكون الحياه كما تتمنين
الحمد لله ان ربنا هداانا لطاعته ودة من نعم ربنا العظيمه علينا
الحمد لله الذى بنعمته تتم الصالحاات


******************


اهلا باهل الصومال
سعيدة بمرورك على مدونتى
اكيد فيه ناس كويسه كتير جدا
بس انا مريت بنماذج جعلتنى اثير هذا الموضوع بداخلى
ربنا يهدينا جميعا لما يحبه ويرضاه


******************



اهلا اخى الكريم
الحمد لله انك بخير وكل سنه وانت بالف خير موفق ان شاء الله فى خطوة تخطوها
بس برضه مفتقدين موضوعاتك ومشاركاتك
ربنا يقدر لك الخير حيث كان اللهم امين يارب العالمين


****************



وحضرتك بالف خير قد ايه باكون سعيدة لما حضرتك تزور مدونتى حضرتك استاذى واتعلمت التدوين من حضرتك
هو طبعا الحجاب الغير متبرج فى العموم جميل طبعا بس اللى بتتعرض اكتر للهجوم المنتقبه او التى ترتدى الاسدال الاسود
بيوصفوها بالجمود والرجعيه
وحضرتك اختصرت الموضوع فى كلمتين ان فعلا البنت اللى بتعرف دينها كويس بتعرف حقوق زوجها عليها وبتكون جنته فعلا
شرفتنى استاذى واسعدنى تواجد حضرتك كتير
جزاك الله خيرا


**************




سعدت بمرور حضرتك واضافتك الجميله
ماشاء الله حضرتك ارتديى الحجاب ف سن صغيره قد ايه انا سعيدة بالبوست دة لانه اظهر ناس جميله قوى واحساس بالعزة والفخر بالنت المسلمه الملتزمه
ربنا يكرم حضرتك ويثبتك ويزيدك من فضله اللهم امين
وارجو ان لا يكون اختلافنا فى الراى لم يفسد للود بينا قضيه
اانا فعلا لا احب ان اكون سببا فى ضيق احد او انى اسئ الى احد
ربنا يوفقك اللهم امين ونرى كل جميل من مدونتك الجميله
شرفتينى بجد


************




اهلا بحضرتك
انا طبعا لا اعذرها ولو انى اشك انها تعرف الصح فين فيه ناس مش بتعرف حتى صلاه الصبح كام ركعه
ولكنها كلمه اعتراضيه كدة لم اقصدها فى ذاتها
انا اعلم ان فيه ناس فيهم خير كتير زى حضرتك وكتير من اخوانى المدونين
ولكنه موقف تعرضت له وتعرض له بعض من اخواتى الملتزمات فحبيت ابين ان البنت المسلمه ايضا فى جهاد لا يقل عن جهاد الرجل
ربنا يبارك فى حضرتك
ويكثر من امثالك ورزقك الله بالزوجه الصالحه التى تقر بها عينك وتعينك على مور دينك ودنياك اللهم امين يارب العالمين



الالتزام واجب على كل انسان بصرف النظر عن خانة الديانة

تحياتى




اولا سنه هجريه وميلاديه سعيده علينا كلنا يارب
والسنه الجايه تبقى خير وكلها تحقيق أحلام

اما عن موضوعك موضوع فعلا مهم اوى وفعلا كل كلامك صح دايما البنت الملتزمه فى قفص الألتزام لدرجه ان الناس تشككها فى نفسها وأنها هى اللى غلط بس فعلا الناس والزمن اللى بقوا غلط

وان البنت توفر كل حاجه حلوه للانسان واحد بقى ده اللى غلط بقت البنت المفروض تعرض زى المعروضات

الموضوع تناولتيه من أغلب جوانبه
بس حقيقى مش كل الرجاله كده والطيبون للطيبات

والراجل اللى يحب بنت بتعرض نفسها يبقى هو زيها وفى يوم من الأيام هيشوف غيرها أحلى طالما أختارها بالشكل

والراجل الحقيقى اللى عرف يختار البنت المحترمه عمره ما هيشوف غيرها لانها هتبقى كنزه وكل حياته

موضوع جميل وسعيده انك طرحتيه

تحياتى ليكى وأسفه بجد على تأخيرى فى الزياره غصب عنى بس الحمد الله
كلام جميل اوي
الكلام على فكره ده تحول من ثقافة بعض البنات لثقافة شعب كامل يرى ان البنت لما تلتزم يبقى خسرت كتير اوي
في حين انها ممكن تكون كسبت كل حاجه او هي بالتأكيدكسبت كل حاجه

حمدالله على سلامتك
سعيدة بودة حضرتك للتدوين
اكيد ان الاتزام لازم يكون لكل الناس بس الحجاب مفروض على البنت لمسلمه علشان كدة خصصتها بالكلام


*************



اخبارك ايه يارب تكونى بخير وفى احسن حال افتقدنا مشاركاتك
طبعا كلامك مش ينفع يتقال بعده كلام
جزاك الله كل خير وثبتنا الله واياكى على طريق الحق اللهم امين يارب العالمين


***************



اهلا بحضرتك
اسعدنى مشاركتك لنا فى الحوار
جزاك الله خيرا


.
اثبتى بنيتى فالموعد الحوض ، الموعد الجنة


اختي المسلمة اثبتي فانتي المستهدفة
اثبتي ولا تكوني انتي السيف المسلط على الاسلام
بارك الله فيكي يا اختي رفقة عمر ةثبتكي الله اللهم امين





صلى الله عليه وسلم





ان المتقين فى جنات ونهر فى مقعد صدق عند مليك مقتدر اللهم اغفرله وارحمه وادخله فسيح جناتك اللهم امين










النفس تبكى على الدنيا وقد علمت.... ان السعادة فيها ترك ما فيها
لا دار للمرء بعد الموت يسكنها..... الا التى كان قبل الموت بانيها
فان بناها بخير طاب مسكنه............ وانا بناها بشر خاب بانيها







مواقع مهمه
موقع عوالم
الحمله الدوليه للافراج عن المعتقلين فى مصر
حركه المقاومه الالكترونيه
كتاب احياء علوم الدين
دليل سلطان للمواقع
موسوعه ويكيبيديا
موقع الحياه للكمبيوتر









وتلك الايام نداولها بين الناس


الصلاة عماد الدين

شكرا على الموضوع الرائع
جزاك الله خيرا

على فكره يا مدحت انت ميش بتقراء الموضوع انت بتسيب رد وخلاص يا جماعه ياريت نستفيد من الموضوع احنه ميش عملين الموضوع علشان نسيب رد وخلاص لازم نستفيد منه

اوك يا ميزو
وتاكد انى عالاقل بقرا جزء منه

طبعا مينفش جزء

اوك ربنا يقوينى وابقى اقراه كله

الله ما امين علشان تستفد

شكرا على الموضوع الرائع