أطلق المغني المصري "شعبان عبد الرحيم" الشهير بشعبولا أغنية جديدة بعد ان قام صحفي عراقي برشق الرئيس الأمريكي جورج بوش بزوجي حذائه خلال مؤتمر صحفي مع رئيس الوزراء العراقي نوري المالكي في بغداد يوم الأحد (شاهد الفيديو) وهو الحدث الذي ذكرت تقارير غربية انه اسعد قلوب العرب والمسلمين حول العالم واظهر كراهيتهم الشديدة لبوش ولإدارته.
ويقول شعبولا في اغنيته الجديدة أن بوش "يستاهل الف جزمة" وأن زوجي الحذاء كانا مفاجأة مثل الزيارة التي قام بها بوش للعراق قبل مغادرة منصبه.
وربط شعبولا بين زوجي الحذاء وبين الرئيس العراقي السابق صدام حسين الذي اعدم في اول ايام عيد الأضحى قبل عامين وقال شعبولا ان صدام "اخد بتاره في نفس الميعاد" في اشارة الى تزامن الحدث مع عيد الأضحى.
وتقول كلمات أغنية "شعبان عبد الرحيم" الجديدة:
خلاص مالكش لزمة.. يا بوش يا بن اللذينا
تستاهل ألف جزمة.. على اللى انت عملته فينا
الجزمة كانت مفاجأة تمام زى الزيارة
الدنيا بحالها فرحت والناس فضلت سهارى
يا قلوب كتير حزينة قومى يالا اتبسمي
شوفى بوش وهو خايف والجزمة بتترمى
بصراحة مقدرش أغشك وأقول زعلت عليك
ياريتها جت فى وشك وخزأت عينيك
صدام اللى انت دبحته فى أول يوم العيد
أهو أخد بتاره وفى نفس المواعيد
تحية عشان منتظر وتحية لجزمته
فرحنا فى بوش أخيراً على آخر خدمته
بجزمتين فى وشك هتسيب أمريكا على نارك
ويا عينى مش هتلحق يا بوش تاخد بتارك
فيه ناس كتير بسببك فى الدنيا مبهدلة
بتقول يا ريتها كانت صاروخ أو قنبلة
العالم كله شافك وبالسعادة حس
والجزمة زى الكورة وداخله فى المقص
مليون شهيد وأكتر فى الجنة فرحانين
ربك كبير وقادر يهد المتفرعنين
موضوع: شعبولا يغني لبوش.. "تستاهل ألف جزمة" 
الخميس أبريل 30, 2009 3:56 am
